Бүгін мектебімізде сайлау нәтижесінде жоғары дауыс жинап сайлап алынған мектеп президентінің және өзін өзі басқару ұйым мүшелерінің ант қабылдау рәсімі өтті. Рәсімде мектеп президенті және өзін өзі басқару ұйымының мүшелері мектеп әкімшілігінің және өткен жылғы өзін өзі басқару ұйымының алдында ант қабылдады. Өткен жылғы мектеп президенті Тілектес Мақсат мектебіміздің жаңа президенті Тұрсынбек Айбергенге зор сеніммен Жас Ұлан ұйымының туы мен президент галстугын табыстады. Мектеп директоры Ислам Буянұлы Тілектес Мақсатқа атқарған жұмыстары үшін алғыс білдіріп, алдағы ҰБТ ға сәттілік тіледі. Және жаңа сайланған мектеп президенті мен ұйым мүшелеріне зор сенім артатынын білдіре отырып мектеп президенті куәлігін табыстады. Мектеп әкімшілігі ұйым мүшелерін құттықтап , ұйым галстугы мен куәліктерін табыстады.